Accións
DO 19 AO 22 DE NOVEMBRO
BAFIM, a música galega dá o salto a Iberoamérica
A música galega dá un novo paso cara á súa entrada no mercado iberoamericano a través da súa participación por vez primeira en BAFIM. Á feira, que se desenvolverá entre o 19 e o 22 de novembro, acudirán cinco empresas (EsmerArte Servicios Artísticos, Keltia Producións, Nordesía, Ouvirmos e Lonxa Cultural) e as asociacións AGEM (Asociación Galega de Empresas Musicais) e Agaphono (Asociación Galega de Produtoras Fonográficas. A delegación galega -que viaxa co respaldo da Consellería de Cultura e Turismo, a través da AGADIC- contará cun stand propio neste importante encontro internacional. Co gallo de dar a coñecer a música galega, distribuirase entre os profesionais acreditados en BAFIM un CD no que se inclúe unha selección de temas interpretados por diversos artistas. Podes escoitalos en liña aquí.
DO 28 DE OUTUBRO AO 1 DE NOVEMBRO
O vindeiro 28 de outubro a capital dinamarquesa colle o relevo de Sevilla como sede de Womex, o encontro de maior relevancia para as músicas de raíz de todo o mundo. A nosa música, por terceiro ano consecutivo, estará presente de novo neste evento grazas á participación das principais empresas do sector. Ademais, entre as iniciativas e estratexias que a delegación galega trasladará a Copenhague para vender a música galega no estranxeiro distribuirase un cd cunha selección de temas dos nosos mellores grupos e solistas e unha guía dos festivais e ciclos musicais máis destacados.
SEVILLA, DO 29 DE OUTUBRO AO 2 DE NOVEMBRO
Galicia participará por segundo ano consecutivo en Womex, pero desta vez faino dunha maneira especial. GalicianTunes viaxa a Sevilla baixo o distintivo de 'Special Focus', o que converte Galicia no único país que colocará tres dos seus artistas sobre os escenarios do evento: Narf, Budiño e Mutenrohi. Do 29 de outubro ao 2 de novembro, a nosa música de raíz é protagonista mundial.O mercado musical internacional ten en Midem unha das citas fundamentais do ano. A feira celébrase agora en Cannes coa idea de superar os excelentes datos de participación da edición pasada: máis de 9.000 participantes, 4.500 empresas e 2.200 expositores tomaron parte en Midem 2008.
| 1
Novas
PRETO DE 4.000 ASISTENTES AOS CONCERTOS DA DELEGACIÓN GALEGA
DO 4 AO 7 DE DECEMBRO NO PALEXCO DA CORUÑA
A música galega achega diferentes propostas á programación do Cultur.gal
ABRIU AO PÚBLICO O STAND DE GALICIAN TUNES
Principia en Bos Aires a actividade musical galega despregada con motivo da BAFIM
Uxía e Berrogüetto en Atlantic Waves
