Heredeiros da Crus nacen en Castiñeiras, en Ribeira (A Coruña) en 1992. Logo duns primeiros ensaios nun galiñeiro de Poi, publican o seu primeiro disco, ‘A Cuadrilla de Pepa a Loba’ (1994), un álbum que marcou un antes e un despois na historia do rock en galego. As letras descaradas e divertidas, as guitarras poderosas, o falar natural, con gheada e seseo, e a actitude provocadora e irreverente, fixeron dos Heredeiros todo un símbolo para milleiros de galegos dos anos 90 famentos de música e cultura coa que identificarse.Logo de converterse nun dos grupos insgina do Xabarín Club –o mítico programa infantil da TVG–, e de ofrecer ducias de concertos sempre memorables (e normalmente polémicos), en 1996 editan o seu segundo disco: "Está que te cajas!!".En 1997 publican dous traballos máis: "Criatura" e "Des Minutos". De seguido virían "Erecsiones munisipales" (1999), un disco que conta con novos instrumentos e sonoridades como os metais nalgunhas pezas, e "All right Chicago" (2000), un dobre álbum no que se pode apreciar a potencia do grupo enriba dos escenarios.Logo de catro anos nos que, entre outros proxectos, editaron un disco de versións baixo o nome de "Recambios Tucho" (2001), publicaron o seu sétimo disco: "Chicarrón".En 2005, retíranse dos escenarios e cada un dos heredeiros inicia os seus propios proxectos musicais. En 2012 volven para dalo todo e, un ano despois, ademais de seguir ofrecendo concertos por toda Galicia, publican un novo disco, "Jard Rock con Fe", con 12 temas inéditos.
Contratación
Dotbeat! Patricia Hermida (+34) 981 652 091 - (+34) 674 956 338 contratacion@dotbeat.es
Discografía
Vídeos
Juan Ramón
HEREDEIROS DA CRUS
Non che teño medo
HEREDEIROS DA CRUS
Buscando a Superfama
HEREDEIROS DA CRUS
De Jalisia ó estranxeiro
HEREDEIROS DA CRUS
Radio Cotilla
HEREDEIROS DA CRUS
Que jallo é!
HEREDEIROS DA CRUS
