Denis Carballás (The Riggos, Sniff & Crash) é un músico vigués. Desde moi pequeno escoita as cancións que lle poñían os seus pais e o seu entusiasmo pola música crece cada vez máis. Non sabía de onde viñan todos eses sons ata que descobre a guitarra e, con 8 anos, matricúlase no CMUS Vigo, no que aguanta soamente tres anos, non lle gustaba a teoría nin as paredes grises do edificio!O seu camino a seguir desde entón é escoitar música e intentar imitala, deste xeito descobre unha morea de músicos e cancións que admira. O seguinte paso lóxico era compoñer, así pasa por bandas coma Brainwave (2011-2013) ou Beethoven Rollers (2012-2016). Compón, ademais, bandas sonoras para webseries ou curtametraxes como “Fume” (Alejandro Rodríguez, 2016), “Agora, Ti” (Claudia Alonso, Alejandro Rodríguez, 2017) ou “Cando mamá pechou as caixas” (Arancha Brandón, 2018).Actualmente, ademais de tocar en The Riggos, Nítido e Sniff & Crash, Carballás comezou unha nova aventura en solitario. Ao longo de 2018, encerrado na súa habitación, fai cancións que publica aos poucos nas redes, coa única pretensión de pasalo ben; pezas que engloban estilos variados: pop, blues, folk ou country, entre outros, e, ao mesmo tempo, relatan o percorrido dun ano de cambios e os sentimentos acordes a este desenvolvemento. En marzo de 2019 estrea o seu primeiro disco en solitario, "Memoria" (2019), unha viaxe de ida y volta mental a través de 14 cancións.
Contratación
Estudios Centrales de Mi HabitaciónDenis Carballás 665 210 490 deniscarballas@hotmail.com
Discografía
Vídeos
Río
DENIS CARBALLÁS
Memoria (Directo)
DENIS CARBALLÁS
Contando Ovejas (Directo)
DENIS CARBALLÁS
Hawaii
DENIS
Aire
DENIS
Tic Tac
DENIS
