GalicianTunes: Artista - Mauricio Caruso

GALEGO
ESPAÑOL
ENGLISH

Mauricio Caruso

A diversidade caracteriza a Mauricio Caruso como o músico que é. Formado na Universidade de São Paulo, percorre a música contemporánea, erudita, jazz, pop, rock, música negra e música popular brasileira; como instrumentista toca varios instrumentos de corda, como a guitarra clásica, acústica, eléctrica ou o cavaquinho, entre outros.

Caruso traballou como sideman de moitos artistas brasileiros como Sandy, Aricia Mess, Lobão, Beatriz Rodarte, Dandara, Mano Brown, Zalon Thompson, así como grandes produtores. Ademais, foi parte da formación da banda Black Río, que tocou con artistas como Ed Mota, Sandra de Sá, Seu Jorge e participou na Fan Fest da FIFA Copa do Mundo Sudáfrica (2010).

Arranxista musical e produtor, participou en moitas gravacións e, ademais, conta con 4 álbums en solitario: “Tradução do Instrumento” (2000), “Reflexos da Noite” (2008), “Christmas Strings” (2012) e “Mundo Amarelo (2013)”.

Caruso é membro da banda Jota Erre, con o multiinstrumentista como coprodutor e guitarrista, e teñen dous discos publicados: “Por Extenso” e “Binário”, co xiraron dous anos por Europa (Portugal, España, Inglaterra) e Estados Unidos (SXSW, Austin, 2016).

Na actualidade vive en Galicia, onde toca con diversos músicos do mundo residentes na rexión, ademais de formar parte do trío Choro Alegre. O seu novo álbum en solitario, “Meus Camiños pola Galicia” (2018), viu a luz a principios de agosto de 2018.