Non nos gusta definirnos como unha unidade concreta dun estilo concreto ou un pensamento lineal. Somos un sopro de aire fresco durante unha apnea colectiva. E isto é o que queremos expresar co que facemos.Neste caso, a música é o que nos une. Somos Héctor (produtor e teclista), Adriana (letrista e voz) e Iván (guitarra e voces), somos Lontreira.Coñecémonos no centro de Vigo unha madrugada calquera, e descubrimos que o noso afán de crear daba lugar a un son particular que nin sequera sabiamos clasificar. Gústanos presumir de ser un grupo con música e elementos audiovisuais completamente autoproducidos, excluíndo algunha que outra colaboración.Pasaron os meses e, como quen non quere a cousa, gañamos un concurso que resultou unha explosión de motivación para o nacemento de “APNEA” (2023), o noso primeiro disco. A raíz disto comezamos a saír todos os días na TVG con ‘Corazón de Toxo’. A súa publicación foi o punto clave no que comezamos a non crer o que nos estaba a pasar. Un par de meses despois chamáronnos para dar o noso primeiro concerto en decembro de 2022 e, a partir de aí, todo foi un non-stop surrealista.Tocamos moitos xéneros diferentes e sinestesias dos mesmos distintos, indo dende os matices latinos ata o transo ou o verso recitado.Se queredes coñecer un pouco máis a fondo quen somos só tendes que botarlle un vistazo ás nosas redes ou á nosa web.
Contratación
lontreiraAvelino Cores 608 547 246 - 639 210 901 contacto@lontreira.gal
Discografía
Vídeos
A Fonte
LONTREIRA
Corazón de Toxo
LONTREIRA
