GalicianTunes: Artista - Pedrito Diablo & Los Cadáveras

GALEGO
ESPAÑOL
ENGLISH

Pedrito Diablo & Los Cadáveras

Instro Surf, Country & Western, Mariachi, Groovie, Rock & Roll, Psychodelia, Latin... son algúns dos elementos que levan estes foraxidos nas súas alforxas e que combinados con elegancia e certas doses de bruxaría (para que negalo?, son das Rías Baixas e iso nótase), forman o sinal de identidade deste peculiar cambo.

Pedrito Diablo & Los Cadáveras nacen baixo a luz das estrelas dunha noite de 2010, con perigo baixo o brazo, pólvora no corazón e afiadas e cristalinas melodías no punto de mira. Coa forza dun escorpión famento e a precisión do cirurxián de Whitechapel comezan a dar forma a unha excitante banda sonora a cal lles acompaña desde entón na súa particular e alucinada travesía. Unha travesía que discorre polo deserto dos ríos de tequila, das rosas e a mescalina.

"Eu non falo moito e o meu rifle só dispara rock". Esta é a máxima que segue fielmente a banda de Pedrito Diablo & Los Cadáveras. A súa mensaxe non se oculta tras falsas ladaíñas no nome do rock, o seu é darlle banda sonora ás aventuras e desventuras do seu público, ese rockeiro con corazón que tamén sabe apreciar a beleza dunha melodía única e orixinal. Non o dubiden máis se non se queren perder unha das experiencias sonoras máis atractivas en vinilo de ouro.