• GALEGO
  • ESPAÑOL
  • ENGLISH
     
Cristian Silva

Cristian Silva é un artista polifacético con dominio en varios estilos e diversos instrumentos de todo tipo. Posúe unha ducia de primeiros premios en concursos de música tradicional, destacando o Premio Gaiteiro de Soutelo 2011. Podemos atopalo en diversas publicacións e gravacións discográficas, e na súa traxectoria e colaboracións podemos citar multitude de artistas como Carlos Núñez, Susana Seivane, Rosa López ou Rosa Cedrón entre outros.

Entre as súas diversas ocupacións, foi xurado e coach no concurso Vai de gaita da Televisión de Galicia, onde se busca ao mellor gaiteiro do ano.

Ego, o seu primeiro traballo en solitario, significa un paso adiante necesario dentro da súa traxectoria logo de anos dedicado á formación e á participación en diversos proxectos artísticos. Ego é unha viaxe onde, a través de dez estacións, a gaita e as frautas mestúranse cos sintetizadores e a percusión galega para levarnos a un novo e anovador planeta sonoro. Así, a tradición fúndense coas vangardistas técnicas interpretativas da gaita e a música indie-pop.

Producido ao completo polo propio músico, Ego ten influenzas de rock, flamenco e música electrónica onde, dende un prisma persoal, Silva toca o medio cento de instrumentos que se poden escoitar ao longo dun disco que está, ademais, aderezado polas colaboracións de artistas de renome como Davide Salvado, Pedro Pascual ou Pandeiromus.

Discografía

EGO

CRISTIAN SILVA

2015, Inquedanzas Sonoras

Tradiphonias

O CHUPACABRAS

2012, Inquedanzas sonoras

Vídeos

O conto do pequeno batedor (live)

EGO Band (teaser)

CRISTIAN SILVA

Voyager (live)

CRISTIAN SILVA EGO BAND

A insignificante historia do home astronómico

CRISTIAN SILVA

Tal vez tamén che gusten