GalicianTunes: Artista - Trobeiros da Ponte

GALEGO
ESPAÑOL
ENGLISH

Trobeiros da Ponte

Somos un grupo de amigos que contamos coa mesma paixón: a música; e, aínda que uns de forma profesional e outros non, sempre estivemos ligados a ela. Por iso, hai un par de anos decidimos xuntarnos para crear cousas xuntos e iso é o que facemos en Trobeiros da Ponte.

Aínda que tocamos varios estilos, o noso selo principal é o bolero. Tentamos darlle protagonismo nestes tempos e, con iso, traer lembranzas ás persoas que xa o viviron e desfrutaron. E tamén, por que non, para levalo á xente máis nova para que poidan desfrutar igualmente deste estilo musical. Á fin e ao cabo, o bolero é todo sentimento e amor.