Digital Mother, o dúo formado polo letrista e vocalista Luis Boullosa e o produtor multiinstrumentista Manu G. Sanz, presenta un novo universo musical marcado pola unión do humano e o dixital, onde as paisaxes sonoras industriais se cruzan con melodías folk, voces fragmentadas e atmosferas oníricas.O seu traballo transita de forma natural entre o acústico e o procesado, construíndo atmosferas de tensión suspendida, silencios que importan tanto como os propios sons e momentos nos que a beleza emerxe como un raio dentro da escuridade sonora. Tras a experiencia previa en varios proxectos na escena galega, Luis e Manu atoparon en Digital Mother unha voz única, capaz de combinar influencias moi diversas como o folk industrial, a electrónica experimental, o pop mutante, o ambient, o Vapor Wave e o noise. Xogan con ambientes densos, espazos abertos e latentes, drons, procesamentos de voz, efectos electrónicos, sons ambientais, ruído tenue e percusión sutil e precisa. As letras de Digital Mother móvense nun territorio poético e evocador onde o íntimo e o global se cruzan. Falan de distopías e mundos alterados, de paisaxes emocionais contaminadas pola tecnoloxía, xerando atmosferas que oscilan entre o humano e o artificial.
Contratación
Digital Mother digitalmotherband@gmail.com
Discografía
Vídeos
Lower Forms of Life
DIGITAL MOTHER
Methacrylate Meta Pyramid
DIGITAL MOTHER
Big Pacific Blue
DIGITAL MOTHER
