Terror Erótico Adolescente é unha banda de Chantada (Lugo) de electrónica de baile, na que se fusionan pop con estilos como techno, punk, electro, noise... Baixos atenuantes, sintetizadores agresivos, guitarras dixitalizadas que acompañan a potentes beats de caixas de ritmos, letras críticas e toques de humor.O grupo naceu en Chantada en agosto de 2013 cando se disolveu Sr. Metapod, onde tocabamos Isaac (voz), Alejandro (baixo), Iván (guitarra), Jordi (batería) e Daniel (guitarra, voz). Daquela faciamos algo máis garagero e ramoniano tirando a grupo do Xabarín Club. Jordi e Iván non continuaron, polo que nos axenciamos unha caixa de ritmos e un sintetizador; incorporouse Anxo Novoa (bases) e chegaron os 80, o technopop e o novo nome. O punk pop con ecos da Movida foi derivando a un set ao vivo de electropop con guitarras e desa época xurdiron temas como “Fillo da droga”, “El parque” ou “Seres corrientes” e participacións en festivais galegos e concertos en Carballiño ou Melide.En 2017 Isaac comeza o seu proxecto Fábrica de Espellos, quedando a formación trío actual. Ao ano seguinte, TEA grava a súa maqueta “Freak Out” en Abrigueiro con Arturo Vaquero, dispoñible en plataformas dixitais e CD. En 2019 publicáronse remixes e en 2020 sacan o single-clip “Terroristas”. Tras o parón da pandemia, en 2022 son parte dos festivais FaCeLa Fest, Fich e RIBELA Love&Nature.Con case dez anos como grupo deciden abandonar o “adolescente” como parte do nome artístico, seguindo os mesmos compoñentes e mantendo o estilo musical.
Contratación
Alejandro - Daniel 647 168 141 - 605037470 terroreroticoadolescente@gmail.com