GalicianTunes: Artista - Sheila Patricia

GALEGO
ESPAÑOL
ENGLISH

Sheila Patricia

Sheila Patricia é unha das voces da nova canción de autora en Galicia. Filla dunha galega e dun arxentino descendente de asturianos, podemos percibir toda esta mistura nas súas composicións, con trazos característicos do folclore de ambos lugares e sempre arroupada dunha guitarra, instrumento que unifica os dous continentes.

A continua preocupación polo seu, pola terra onde actualmente reside, resplandece no discurso dos seus actuais espectáculos. Historias de mulleres, da súa avoa e das avoas que configuran a vida e da fortaleza femenina que porta Sheila. A sua crianza nas Rias Baixas, próxima á fronteira con Portugal, non deixa indiferente a súa percepción da música. Sheila ten ese modo de cantar, tan similar ao pranto das fadistas, cun marcado rubato e con gran profundidade na interpretación. Cabe destacar tamén o seu xeito e adornos vocais propios da música tradicional.

Actualmente investiga na mestura con sons máis actuais e electrónicos, pero conservando a esencia to acústico, cun traballo tributo á cultura galega. O 8 de Abril de 2022 estrea o seu primeiro álbum, “Orixe” (2022), onde mestura a electrónica máis minimalista coa súa voz como instrumento principal sonoro. Un tributo á música galega e as mulleres da súa terra co mar como constante de principio a fin.