GalicianTunes: Artista

GALEGO
ESPAÑOL
ENGLISH

Xoel López

Xoel López é un dos artistas máis representativos da escena independente en España. Aínda que sempre se moveu entre os sons do pop-rock indie e o folk dos anos 60, el defínese como un artista libre. E así o demostra.

Xoel deixou atrás unha carreira consolidada no seu país baixo o pseudónimo de “Deluxe” para cruzar o charco e empezar unha nova etapa. O que supoñía un breve descanso converteuse nunha inesperada viaxe iniciática de máis de dous anos nos que percorreu múltiples países do mundo. Coa música como linguaxe común e punto de encontro, explorou diferentes estilos e sons, enriquecendo a súa bagaxe persoal e musical.

Este cambio de traxectoria é un auténtico exercicio de liberdade creativa que culmina nun gran proxecto iberoamericano, a “Caravana Americana”, tecido coa colaboración de músicos de todos os sitios que visitou. Esta experiencia deixou un rastro intenso no disco “Atlántico” (Esmerarte, 2012), en honor ao océano que nos une e á vez nos separa do continente americano.

“Paramales” (Esmerarte, 2015) é o seu álbum número 13 e o segundo en solitario. É un paso máis no son do galego. Unha porta que se abre para deixar entrar aires contemporáneos e urbanitas en 13 cancións gravadas en Madrid, pero concebidas a ambas costas do Atlántico.

Revisionismo músico-personal co que se atreve a rescatar dende a súa etapa mod o seu gusto polo Northem Soul e Small Faces, ata toques afrogalaicos, pasando polas súas habituais guitarras españolas, atrevidos xogos de estéreos ou riffs aos que xa nos tiña acostumados anos atrás.