GALEGO
ESPAÑOL
ENGLISH

11 PROXECTOS GALEGOS ENTRE OS FINALISTAS DA XIV EDICIÓN DOS PREMIOS MIN

7 ABRIL 2022

Un xurado composto por profesionais do sector vén de elixir aos 5 nominados aos Premios MIN en cada categoría, dentre os semifinalistas que votara o público. Zahara, con nove nomeamentos, é a artista que acumula máis opcións, seguida de Baiuca, con seis —incluídos ‘Álbum do Ano’, ‘Mellor Produción Musical’ e ‘Mellor Gravación de Electrónica’— séguenlles Alizz e Maria Arnal i Marcel Bagés con cinco, Rigoberta Bandini e Tanxugueiras, con catro e tres respectivamente.

O trío de cantareiras opta a ‘Mellor Artista Emerxente’, ‘Canción do Ano’ por “Terra” e ‘Mellor Videoclip’ por “Figa”. Entre os finalistas galegos destacan tamén os nomeamentos de Abe Rábade a ‘Mellor Álbum de Jazz’ por Sorte (2021), e a de Triángulo de Amor Bizarro a ‘Mellor Directo’.

A banda da Loba, Baiuca, Grande Amore, Os Resentidos e Verto son os cinco proxectos nomeados na categoría de ‘Mellor Álbum en Galego’. Completan a listaxe de finalistas da nosa terra Ortiga, BATEA e BFlecha.

Os gañadores desta XIV edición dos Premios MIN coñecerémolos o vindeiro 27 de abril na gala de entrega que se celebrará no Navarra Arena de Pamplona, coa tamén galega Carolina Iglesias (@percebesygrelos) como mestra de cerimonias. Baiuca, Maria Arnal i Marcel Bagés, Rosario la Tremendita e Chilla Mafia serán algunhas das actuacións que se poderán desfrutar ao vivo. Este ano, a gala tamén volve estar aberta ao público, previa adquisición de entradas en seguindo esta ligazón.

Baiuca

Ver en galiciantunes | Entrevista en galiciantunes (22/6/2020)

Artista Emerxente • Canción do Ano: “Veleno” • Álbum: Embruxo (Raso, 2021) • Gravación de Electrónica: Embruxo (Raso, 2021) • Álbum en Galego: Embruxo (Raso, 2021) • Produción Musical: Alejandro Guillán Castaño por Embruxo (Raso, 2021)